حيف إنته إبنعش ومجَفنْ إوداع... خسرناكْ إبزمَنْ وإستونه ماشينْ !

**جاسم الدجيلي** الأحد يناير 31, 2010 6:57 am

شفت ْ جَفْ اليشيعَكْ إيدَه بيديكْ
وشفتْ عينْ التوَدعَكْ ترمش العينْ !

وشفتْ آنه الجَسَدْ يتكَلَبْ يريد...
يطكْ بسمار لحدَه ويوفي كُلْ : دينْ

وشفتْ آنه إبخيالكْ صُورَه للناسْ
والجاي اليشيعَكْ حُبه : بحسينْ

حيف إنته إبنعش ومجَفنْ إوداعْ
خسرناكْ إبزمَنْ وإستونه : ماشينْ

تدري إنته الخلكْ صيام جايينْ ؟
تريد من الأجرْ ينكتبْ : داريينْ !

مَريض إتعالجت بالغرُبْ عانيتْ
صبَرت إعله المَرَضْ بوجاعَه : سنتينْ

هضيمَه وتختفي وتنام بالكاعْ
وَزورَكْ منتحبْ شجايْ بونينْ

ترانه من القهَرْ ملتنه الأرواحْ
دولبنه الوَكتْ مَنحزرَه : لاوينْ

تبكَه إويه الوَطنْ والشعبْ كُلْ دارْ
وأبكَه آنه المُواطنْ حُبيْ : للدينْ

يعني إحنه النودعه إوصيته تذكارْ
أمانه الكُلْ مُحبْ : ندرسها تلقينْ

نوَدعَكْ يالعزيز ونامْ مرتاحْ ...
كُلنه إويه العقيدَه إنشوده كُلْ حينْ

بَسْ إيدَكْ تأشر وإنته بالكاعْ ...
تلكانه إبأمان البيَعه : جايينْ!!

مُو هيَن إصبعَكْ محبسَه العينْ
ولاهين نشوفك تطلبْ : إبدينْ

نوافيكْ إبدمانه وإنته شريانْ
وأخوكْ الي إنجتلْ محرابه : بحسينْ

باجر ينذكر ونذكرَه كُلْ عام
أجندَه الكُلْ زمَن مادُمنه : باقينْ

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30