للحكيم ......

•♥°َ للحكيم َ •♥°
ياعيد الفطر شو تبجي جاي دموع ؟
شنهو الراح منك تشكي أحزانك ؟
تشكي البيك لو أشكي الجروح اهواي ؟
انا الحزنان ونته الزاهية الوانك ؟
أطفالك صفت ياعيد مهمومين ؟
جنت اني طفلتك وبين ذرعانك ؟
وحشة وبيك مرجوحة المراجيح ؟
ومرجوحة زماني جانت أحضانك ؟
لاتظن حبايب تنشد وخوان ؟
سجن ياعيد وبدولاب سجانك ؟
هم سامع هدوء بعيد كولة أفراح ؟
أختنك صوت العزيز بوسط جدرانك ؟
تشكيلي دمعاتك بيها عندي أشواق ؟
وأشكيلك اشواقي بدمع نهرانك ؟
قليلة أفراحك وتشكي المسرات ؟
وتشكي من الحزن جة كاض بيبانك ؟
ها يا عيد شو جنك حزن عاشور ؟
ضحكاتك دمع ومخيط السانك ؟
تدري اني عليك شكد جريت أدموع ؟
جرحت الخدود وهذا نيشانك ؟
صحيح الفرح عندي بعالم النسيان ؟
وصار العمر كوله صيام رمظانك ؟
دمعاتي شبيها لدمعتك ياعيد ؟
وعنواني عزيز ونفس عنوانك ؟
ياروج وعليتك ما أخاف وياك ؟
تدري انتة السفينة واني سفانك ؟
إجيتك والامل هم باقي بي جم خيط ؟
يبو صدر الوسيع وهيبة ديوانك ؟
يبستان وخضار ومايلدغة الشوكـَ ؟
أريد إطفالي تكبر بوسط بستانك ؟
فرحتهم تصير بسمة للمحروم ؟
تعال امسح دمعتي بثوب نسيانك ؟
طبعنة الوفا ودووم نسامح المعذور؟
أنت ابوسط رووحي ماني جيرانك ؟

تحياااتي
ريحانه العراق محبه الحكيم
دمتم بود